കേരളവാർത്തകൾ - പറവൂർ
- Published on August 08, 1906
- By Staff Reporter
- 326 Views
(സ്വന്തലേഖകന്)
കര്ക്കടകം 18.
എക്സൈസ് അസിസ്റ്റന്റ്
മിസ്റ്റര് എന്. രാമന്പിള്ള ബി. ഏ. സര്ക്കീട്ടായി സ്ഥലത്തുവന്നു പരിശോധനകള് നടത്തുകയും കറുപ്പും കഞ്ചാവും കുത്തക തനതാണ്ടത്തെക്കാള് ********** 690 ഉറുപ്പിക കൂടുതല് തുകയ്ക്കു ലേലംവിളിച്ചു ഉറപ്പിക്കുകയും ചെയ്തുംവച്ചു മടങ്ങിപ്പോയിരിക്കുന്നു.
ആശുപത്രി ചികിത്സയ്ക്കായി വരുന്ന അനേകം രോഗികള് ആശുപത്രിയില് ഔഷധങ്ങള് ഇല്ലാത്തതുകൊണ്ടു നിരാശപ്പെട്ടുവരുന്നതായി അറിയുന്നു.
പന്ത്രണ്ടാംമാസം.
മരിച്ചുപോയ പാലിയത്തു വലിയച്ഛന് അവര്കളുടെ മാസഅടിയന്തിരം ഈ മാസം 20നു - ചേന്നമംഗലത്തു പാലിയത്തുവച്ച് അതികേമമായി നടത്തപ്പെടുന്നതാണ്. ഇതുസംബന്ധിച്ച് അനേകദാനങ്ങളും ബ്രാഹ്മണസദ്യയും സര്വാണി മുതലായവയും അന്നേദിവസം ആയിരപ്പറ അരിവെപ്പും ഉണ്ടുപോല്. ഈ ക്ഷാമകാലത്തു ഇത്രവളരെ അരിവച്ചു സദ്യകഴിക്കുന്നത് ഒരു വലിയ ധര്മ്മമാണെന്നുള്ളതിനു സന്ദേഹമില്ല.